فیصل آباد۔26اکتوبر(اے پی پی)وزیر اعلیٰ پنجاب عثمان بزدار فیصل آباد پڄن جتھاں انہاں نال ضلع دے اسمبلی دے ارکان ملن۔ وزیراعلیٰ فیصل آباد دے ترقیاتی منصوبیاں دے حوالے نال ٻݨائی ڳئی کندھ وی ݙٹھی۔ ایں موقع تے وزیر مملکت اطلاعات تے نشریات فرخ حبیب، ممبران قومی اسمبلی نواب شیر وسیر، نصراللہ گھمن، عاصم نذیر، فیض اللہ کموکا، خرم شہزاد، راجہ ریاض، صوبائی وزیر ثقافت تے کالونیز میاں خیال احمد کاسترو، صوبائی وزیر برائے وزیراعلیٰ معائنہ ٹیم اجمل چیمہ، صوبائی وزیر پبلک پراسیکیوشن چوہدری ظہیر الدین خان، صوبائی وزیرایکسائز، ٹیکسیشن اینڈ نارکوٹکس کنٹرول حافظ ممتاز احمد، معاون خصوصی وزیراعلیٰ سپورٹس ملک عمر فاروق، میاں وارث عزیز چیئرمین پی ایچ اے، شکیل شاہد پارلیمانی سیکرٹری لیبر، عادل پرویز گجرپارلیمانی سیکرٹری زراعت تے لائیو سٹاک، چوہدری علی اختر، فردوس رائے ایم پی اے تے وائس چیئرمین ایف ڈی اے، ٹکٹ ہولڈرز، کمشنر فیصل آباد زاہد حسین، ڈپٹی کمشنر فیصل آباد علی شہزاد، ریجنل پولیس آفیسر عمران محمود، سی پی او اتے مختلف ڈویژنل تے ضلعی محکمیاں دے سربراہ وی موجود ہن۔ عثمان بزدار ڈسایا جو سالانہ ترقیاتی پروگرام2021-22 دے تحت 472 ترقیاتی منصوبے 88ارب روپے توں مکمل کیتے ویسن، کمیونٹی ڈویلپمنٹ پروگرام دے 402 ترقیاتی منصوبیاں اتے 3ارب 70 کروڑ لاگت آسی جڈاں جو سیپ دے تحت 828ترقیاتی منصوبے 3 ارب 20 کروڑ روپے دی لاگت نال پورے تھیسن۔ وزیراعلیٰ آکھے جو عوامی فلاح اتے قومی تعمیر تے ترقی دے منصوبیاں دی تکمیل وچ کوئی کوتاہی برداشت نہ کیتی ویسی ۔
