ڈی آئی خان ۔7ستمبر (اے پی پی):وزیراعظم محمد شہباز شریف آپݨے دورہ ڈی آئی خان اچ ساگو پل تے کم دی رفتار دا معائنہ کیتے تے منصوبے تے تکھی رفتار نال کم کرݨ تے متعلقہ حکام دی خدمات دی تعریف کیتی ۔وزیراعظم آپݨے دورہ اچ پل دے مختلف حصیں دا دورہ کیتے تے اتھاں کم دی رفتار دا جائزہ ڳھدے ۔پل معائنہ دے موقع تے جمعیت علمائے اسلام(ف) دے مرکزی امیر مولانا فضل الرحمان، وفاقی وزیر اطلاعات و نشریات مریم اورنگزیب، وفاقی وزیر مواصلات مولانا اسد محمود اتے وزیراعظم دے مشیر انجینئر امیر مقام وی وزیراعظم دے رلے ہن ، ایں موقع تے وزیراعظم کوں ݙسایا ڳئے جو منصوبے تے کم جاری اے تے پل کوں وختی ٹریفک کیتے کھول ݙتا ویسی ۔وزیراعظم سیلاب توں متاثرہ علاقیں اچ مواصلاتی اتے سڑکاں دے بنیادی ڈھانچے دے منصوبیں دی تکمیل اچ پاک فوج دے کردار دی تعریف کیتی ۔وزیراعظم اتھاں خیمیں اچ رہݨ آلے سیلاب متاثرین دا ہتھ ہلا تے حال حوال پچھیا ۔واضح رہے جو ڈی آئی خان اچ اڄوکے طوفانی سیلاب توں پل وھہہ ڳیا ہئی ، اڄوکے سیلاب توں بعد وزیراعظم دا ڈی آئی خان اے ݙوجھا دورہ اے انہاں ٹانک، نوشہرہ، چارسدہ، سوات اتے کوہستان دا دورہ کیتے جتھاں انہاں ذاتی طور تے ریسکیو تے ریلیف آپریشنز دا معائنہ کیتے۔
