راولپنڈی ۔21اگست(اے پی پی)آرمی چیف جنرل سید عاصم منیر آکھیے جو نوجوان ملک دا سب توں وݙا ترکہ ہین جنہاں کوں ضائع نہ تھیوݨ ݙیسوں۔ کنونشن سنٹر اسلام آباد اچ یوتھ کنونشن نال خطاب کریندے انہاں آکھیا جو علم انسان کوں ٻنھاں توں نویکلا کریندے، نوجواناں دیاں اکھیں اچ چمک ݙیکھ تے یقین تھیندے جو پاکستان دا مستقبل محفوظ ہتھاں اچ اے، ریاست دی ذمہ داری اے جو او عوام کوں سوشل میڈیا توں پیدا تھیوݨ آلے ابہام اتے فتنہ دے برے اثرات توں بچاوے۔ انہاں آکھیا جو عوام، حکومت اتے فوج وچال مضبوط رشتہ ہی پاکستان دی سلامتی اتے ترقی دا ضامن اے ڄیڑھے لوک پاکستان دے ݙیوالہ تھیوݨ دا بیانیہ ٻݨیدے ہن اڄ او کتھاں ہین؟ جیکر تساں آزاد ریاست دی اہمیت ڄاݨم چاہندے او تاں لیبیا، شام، کشمیر اتے غزہ دے لوکاں توں پچھو، مسلمان ہوندے ساکوں مایوسی تون ہٹکیا ڳئے۔ انہاں آکھیا جو ڄیوݨ ہک امتحان اے۔ انہاں قرآنی آیت پڑھی، “کیا لوک اے سمڄھی بیٹھن جو صرف اے آکھݨ تے چھت ویسن جو “اساں ایمان ڳھن آئے ہیں” اتے انہاں دی آزمائش نہ ہوسی ؟ خطاب دے مکݨ تے آرمی چیف نینگراں کوں علامہ اقبال دا اے شعر سݨایا: “افراد کے ہاتھوں میں ہے اقوام کی تقدیر ۔ ہر فرد ہے ملت کے مقدر کا ستارہ۔ ” بعد اچ سوالاں دا ولدا ݙیندے انہاں مختلف معاملیاں تے پاک فوج دا موقف واضح کیتے۔ پاراچنار اچ فسادات بارے آرمی چیف آکھیا جو قبائل مل ٻیھ تے تنازعات مکاوݨ اچ ہتھ ونݙاون، خیبرپختونخوا دے عوام 22 سال توں پاک فوج دے نال دہشت گردی دے خلاف ݙٹ تے کھڑین، میکوں یقین اے جو اللہ تعالیٰ ساکوں دہشت گردی دے خلاف فتح ݙیسی۔
