اسلام آباد – 27 فيبروري (اي پي پي) صدر ڊاڪٽر عارف علوي چيو آهي ته امن جي خواهش اسان جي طاقت آهي، ان کي ڪڏهن به ڪمزوري نه سمجهيو وڃي. ڀارتي جارحيت جي خلاف پاڪستان جي ڪامياب جوابي ڪارروائي کي 2 سال مڪمل ٿيڻ تي پنهنجي ٽوئيٽ ۾ صدر چيو ته پاڪستان جي خطي ۾ امن برقرار رکڻ جي خواهش اسان جي ڪمزوري نه پر طاقت آهي. ان موقعي تي هن پاڪستان جي فضائي حدن جي خلاف ورزي ڪرڻ جي ڀارتي ڪوشش کي ناڪام بڻائڻ تي ملڪ جي چوڪس هٿياربند فوج کي سلام پڻ پيش ڪيو. صدر چيو ته اسان ڀارتي جنگي جهاز کي پنهنجي علائقي ۾ ڪيرائي سمورن جارحيت پسندن جي خلاف عزم ۽ برتري جو مظاهرو ڪيو آهي.
