اسلام آباد۔6ستمبر (اے پی پی)وزیراعظم محمد شہباز شریف سیرت طیبہ صلی اللہ علیہ وسلم کوں ہر دور اچ رہنمائی دا سرچشمہ قرار ݙیندے آکھیے جو اساں بحیثیت قوم آپݨے محبوب نبی کریم ﷺ دیاں تعلیمات کوں آپݨے دستور، قانون اتے اجتماعی زندگی دا حصہ بݨاوݨ کیتے پرعزم ہیں، 12 ربیع الاول جشن ولادت رسول اللہ صلی اللہ علیہ وسلم دے موقع تے آپݨے سنیہے اچ وزیراعظم محمد شہباز شریف آکھیا جو 12 ربیع الاول دے ݙینھ اج توں 1500 ??ال پہلے سرزمین مکہ اچ نبی آخر الزماں حضرت محمد ﷺ دی ولادت با سعادت ظلمتاں کوں نور اچ وٹا ݙتا اتے انسانیت ??وں عدل، رحمت، مساوات اتے وحدت دیاں نویاں راہواں ݙکھایاں، اڄوکے ??ال پاکستان سودھا دنیا بھر اچ ??ال رحمت اللعالمین ﷺ دے طور تے منایا ویندا پئے، قومی اسمبلی اتے سینیٹ دیاں قرارداداں جیندے مطابق نبی مکرم ﷺ دی 1500 ویں یوم ولادت با سعادت کوں ملک بھر اچ عقیدت و احترام نال مناوݨ دا فیصلہ کیتا ڳیا، ایں ڳالھ دی گواہی اے جو اساں بحیثیت قوم آپݨے محبوب نبی ﷺ دیاں تعلیمات کوں آپݨے دستور، قانون اتے اجتماعی زندگی دا حصہ بݨاوݨ کیتے پرعزم ہیں۔ وزیراعظم آکھیا جو نبی کریم ﷺ دی حیات طیبہ ہک مکمل اتے ہمہ جہت اسوہ اے، حکومت و سیاست ہووے، عدل و انصاف، معیشت اتے تجارت یا معاشرتی اقدار، سیرت طیبہ اساݙے کیتے ہر دور اچ رہنمائی دا سرچشمہ اے۔ قرآن ساکوں واضح ا??فاظ اچ ݙسیندے جو تہاݙے کیتے اللہ دے رسولﷺ اچ بہترین نمونہ ہن، ہر اوں ڄݨے کیتے جیڑھا اللہ اتے یوم آخرت دی امید رکھیندے۔ وزیراعظم ے آکھیا جو اج جݙاں دنیا تیزی نال تبدیل تھیندی پئی اے، جدید ٹیکنالوجی نال رابطیاں اچ تیزی اتے فاصلے مٹ ڳئن، ایں موقع تے ساکوں آپݨی نویں نسل کوں خیر، علم اتے امن دو راغب کرݨ کیتے انہاں کوں حیات طیبہ ﷺ نال واقف کراوݨا ہوسی، نبی اکرم ﷺ دی سی??ت ساکوں اے تعلیم ݙیندی اے جو زبان اتے کلمہ خیر و بھلائی کیتے استعمال تھیوے، ایں کیتے ساکوں نسل نو کوں جدت دے نال نال اخلاقیات دے لازوال اصول جیڑھے نبی آخر الزماں حضرت محمد ﷺ امت کیتے ٻݨائے، تے عمل کریندے ہوئیں انہاں دے محبت، بھائ چارے اتے امن دے سنیہے کوں دنیا تئیں ݙیووݨ دی ترغیب ݙیوݨی چاہیدی اے۔ انہاں آکھیا جو اساں آپݨے پاکستان کوں سیرت طیبہ دی عملی تعبیر بݨاوݨے، تعصب، فرقہ واریت، انتہاپسندی اتے نفرت دی ہر شکل کوں رد کرݨے اتے اتحاد کوں ودھاوݨے۔ وزیراعظم آکھیا جو پاکستان کوں درپیش مسائل، بھاویں او معاشی ہوون یا سماجی، انہاں دا پائیدار حل اوں ویلھے ہی ممکن اے جݙاں اساں نبی اکرم ﷺ دیاں تعلیمات کوں آپݨے قومی کردار دا حصہ بݨائوں۔ وزیراعظم ساریاں کوں دعوت ݙتی جو اج دے ݙینھ اساں اے عہد کریندے ہیں جو اساں سارے پاکستان کوں سیرت النبی ﷺ دے سنہری اصولاں تے قائم کرݨ کیتے پرعزم ہیں، اساݙیاں پالیسیاں دا مقصد مساوات، غربت دا خاتمہ اتے علم و تحقیق دا ودھارا اے تاں جو پاکستان حقیقی معنے اچ ہک اسلامی فلاحی ریاست بݨ سڳے۔ انہاں دعا کیتی جو اللہ تعالیٰ پاکستان کوں ہمیشہ سلامت رکھے، اتحاد و یگانگت عطا فرماوے اتے ساکوں نبی کریم ﷺ دی محبت و اطاعت اچ زندگی گزارݨ دی توفیق ݙیوے
