اسلام آباد۔2ستمبر (اے پی پی) چیئرمین نیشنل انڈسٹریل ریلیشن کمیشن (این آئی آر سی) جسٹس (ر)شوکت عزیز صدیقی اے پی پی ایمپلائز یونی?? الیکشن شیڈول جاری تھیوݨ دے بعد ووٹ دے حق توں محروم کیتے ون٘ڄݨ دے اقدام تے شدید برہمی دا اظہار کریندیں ہوئیں آپݨے ریمارکس اچ آکھیا جو آئین اتے قانون توں ہَٹ تے ایہو سویں اقدام چاوݨ تے لوک??ں دا این آئی آر سی تے اعتماد اُٹھدا پئے، الیکشن کراوݨ آلے این آئی آر سی دے مجاز افسر مدد علی شاہ ووٹرز لسٹ توں ناں کڈھے ون٘ڄݨ تے مطمئن جواب نہ ݙے سڳے جئیں تے مجاز افسر توں الیکشن نال متعلق تفصیلی رپورٹ طلب کر ڳ??دی ڳئی اے، فاضل بنچ متاثرہ ووٹرز سودھے سارے فریقین کوں نوٹس جاری کریندیں ہوئیں سماعت کل (بدھ) تئیں ملتوی کر ݙتی اے۔ منگل کوں چیئرمین این آئی آر سی جسٹس (ر) شوکت عزیز صدیقی دی سربراہی اچ ترائے رُکنی بنچ جئیں اچ ممبر سراج السلام خان اتے منور حسین طوری شامل ہن، خضر زمان ملک بنام اے پی پی ایمپلائز یونین کیس دی باقاعدہ سماعت دا آغاز کیتا۔ درخواست گزار ولوں چوہدری صغیر، اے پی پی ولوں حسنین حیدر عدالت دے سامݨے پیش تھئے ۔ اے پی پی دے وکیل حسنین حیدر سوال چاتا جو این آئی آر سی دے مجاز افسر الیکشن شیڈول دے بعد حتمی فہرست توں ناں کڈھے ہن حالانکہ ادارے دے ہیومین ریسورس شعبے ولوں تصدیق شدہ ووٹرز لسٹ فراہم کیتی ڳئی ہئی۔ این آئی آر سی دے چیئرمین جسٹس (ر)شوکت عزیز صدیقی این آئی آر سی دے مجاز افسر مدد علی شاہ کوں فوری طور تے طلب کر ڳ??دا۔ چیئرمین این آئی آر سی آکھیا جو جݙاں الیکشن شیڈول جاری تھی ون٘ڄے تاں ووٹرز لسٹ اچ نہ تاں کہیں دا ناں شامل کیتا ون٘ڄ سڳدا اے اتے نہ ہی کڈھیا ون٘ڄ سڳدے، بطور مجاز افسر تُساں جواب ݙیوو جو کینویں ووٹرز دے ناں کڈھے ہن؟ کیا تُساں کوں ایں دا اختیار ہئی؟ اے پی پی ایمپلائز یونین دے الیکشن کراوݨ آلے این آئی آر سی دے مجاز افسر مدد علی شاہ دے جواب کوں فاضل عدالت غیر تسلی بخش قرار ݙیندیں ہوئیں انہاں کوں حکم ݙتا جو او کل (بدھ) تئیں پورے الیکشن دی تفصیلی رپورٹ، ووٹرز دے ناں کڈھݨ بارے تفصیلی رپورٹ عدالت اچ پیش کرن۔ فاضل چیئرمین این آئی آر سی جسٹس (ر) شوکت عزیز صدیقی آپݨے ریمارکس اچ آکھیا جو ایہو سویں اقدامات دی وجہ توں این آئی آر سی دا بیڑا غرق تھی ڳئے، لوک ایں کیتے این آئی آر سی تے کیچڑ سٹ??ند?? کیونجو جئیں چیز دا اختیار ہی نہ ہووے، او کر گزر??ند??۔ چیئرمین این آئی آر سی مجاز افسر توں سوال کیتا جو جݙاں تُساں اے پی پی ایمپلائز یونی?? الیکشن دی حتمی فہرست توں ووٹرز دے ناں کڈھے ہن تاں کیا انہاں کوں سَݙ تے سُݨیے، تاں انہاں نفی اچ سِر ہِلایا جئیں تے آپݨے ریمارکس اچ چیئرمین این آئی آر سی دا آکھݨ ہئی جو تُس??ں دے ایں عمل نال اہل ووٹرز حق رائے دہی توں محروم تھن، تُساں تاں کمال کر ݙتے۔ چیئرمین این آئی آر سی آپݨے فیصلے اچ قرار ݙتا جو اے پی پی ایمپلائز یونین دے وکیل دی مصروفیت پاروں سارے فریقین بشمول ووٹرز کوں نوٹس جاری کریندیں ہوئیں سماعت کل (بدھ) تئیں ملتوی کیتی ویندی اے۔
