اسلام آباد۔1جون (اے پی پی):وفاقی وزیر پیٹرولیم ڈاکٹر مصدق ملک آکھیے موجودہ حکومت دیاں کوششاں تے وزیراعظم دی طرفوں ݙتے ڳئے اہداف دی وجہ توں کنزیومر پرائس انڈیکس (سی پی آئی) دا تناسب 37 فیصد توں گھٹ تے 17 فیصد تے آڳئے ، غذائی افراط زر دی شرح وی40 فیصد توں گھٹ تے 11.5 فیصد رہ ڳئی اے اتے اساں استحکام آلے پاسے ودھدے پیوں ۔ پیٹرولیم مصنوعات دیاں قیمتاں تے ھک مہینے اچ عوام کوں 25 توں 26 روپے فی لیٹر ریلیف ݙتا ڳئے ، آندے ݙینھاں اچ افراط زر مزید گھٹݨ دا رجحان ݙٹھا ویسی ، اربن ایریاز اچ ترقی دی شرح ڈھائی فیصد متوقع اے جݙاں جو دیہاتی علاقیں اچ ترقی دی شرح 6.5 فیصد تے ہے ، محصولات اچ 30 فیصد ودھارا ریکارڈ تھئے آندا بجٹ عوام دوست ہوسی ، تجارتی خسارہ 4 ارب ڈالر توں گھٹ تے 200 ملین ڈالررہ ڳئے۔ اے ڳالھ انہاں پریس کانفرنس توں خطاب اچ آکھی اے انہاں آکھیے وزیراعظم دی ہدایت اے جو آپݨے سارے اہداف کوں سوکھا بݨاوݨ تے عوام دی زندگی اچ وی سوکھ آوےاتے تعلیم و روزگار دے مواقع بݨاوݨ دے نال نال عام بندے تے مہانگ دا ٻوجھ گھٹ پاتا ونڄے کیوں جو عام آدمی ایں ٻوجھ تلے دبدا ویندے ۔
