اسلام آباد۔21نومبر (اے پی پی) وزیر اعظم محمد شہباز شریف دی ضلع کرم اچ تریمتیں،ٻالاں سودھے معصوم شہریاں دے قافلے تے شرپسنداں دے حملے دی مذمت کریندیں ہوئیں آکھیا جو ملک دشمن وطن عزیز دے امن کوں تباہ کرݨ دی ساری کوششاں کوں ناکام ٻݨیسن۔ معصوم شہریاں دے قافلے تے حملہ حیوانیت دے مترادف اے۔ وزیراعظم آفس دے میڈیا ونگ ولوں جاری بیان موجب وزیراعظم محمد شہباز شریف حملے اچ تریمتیں اتے ٻالاں سودھے جاں بحق تھیوݨ آلیاں دے درجات دی بلندی اتے ٹبراں کیتے صبر دی دعا کیتی۔ وزیراعظم حملے اچ زخمی تھیوݨ آلیاں کوں بہترین طبی سہولتاں ݙیوݨ دی ہدایت کیتی۔ وزیراعظم حملہ آوراں دی نشاندہی کر تے انہاں کوں قرار واقعی سزا ݙیوݨ دی ہدایت کیتی۔ انہاں آکھیا جو واقعے اچ ملوث شرپسنداں کوں ڳول تے انہاں کوں مثالی سزا ݙتی ویسی۔ تخریب کار ایجھی بزدلانہ کاروائیاں نال بہادرپاکستانی قوم دے حوصلے پست نی کر سڳدے۔ وزیراعظم محمد شہباز شریف آکھیا جو شرپسند عناصر جیڑھا جو معصوم شہریاں دا خون وہیدن او مسلمان تاں کیا انسان اکھواوݨ دے وی لائق کائنی۔
