لاہور۔14نومبر (اے پی پی) صدر مملکت ڈاکٹر عارف علوی سنوار کوں پاکستان انسٹیٹیوٹ آف فیشن اینڈ ڈیزائن لاہور دا دورہ کیتا۔ صدرمملکت کوں ادارے اچ تعلیمی سرگرمیاں، کارکردگی اتے مختلف شعبیاں اچ تعلیمی سہولتاں بارے بریفنگ ݙتی ڳی۔ دورے اچ خاتون اول بیگم ثمینہ علوی وی صدر مملکت نال ہن۔ دورے دے موقع تے صدر مملکت ڈاکٹر عارف علوی آکھیا جو ورچوئل اتے آن لائن پلیٹ فارمز دی مدد نال پاکستانی آرٹس، فیشن، ڈیزائن اتے ٹیکسٹائل مصنوعات کوں عالمی سطح تے سنڄاݨ اتے پذیرائی ݙوائی ونڄ سڳدی اے۔ جامعات فارغ التحصیل طلبا دی تعداد ودھاوݨ کیتے آن لائن اتے ورچوئل تعلیم تے توجہ ݙیون۔
