اسلام آباد۔19جولائی (اے پی پی) وفاقی وزیر اطلاعات تے نشریات مریم اورنگزیب آکھیا جو وزیراعظم شہباز شریف دے وژن دے مطابق اڄوکی حکومت دے فوری اتے ٹھوس اقدامات پاروں ملک دی معیشت دے مثبت نتیجے آوݨ شروع تھی ڳن۔ سکرین ٹورازم دے ذریعے پاکستان ثقافت، تہذیب تے تمدن پوری دنیا کوں ݙکھاوݨ چاہندوں۔ حکومت فلم دے شعبیاں اچ ٻہوں مراعات ݙتن، غیر ملکی فلم ساز پاکستان اچ عکس بندی اتے فلم سازی دے شعبے اچ خصوصی رعایتاں توں فائدہ چاون۔ اے ڳالھ انہاں ملاقات کیتے پاکستان اچ آسٹریلیا دے سفیر نیل ہاکنز نال ڳالھ مہاڑ کریندیں ہوئیں آکھی۔ ملاقات اچ ݙوپاسہ تعلقات، معاشی استحکام، فلم ،آرٹ اتے ثقافت دے شعبیاں اچ تعاون تے ڳالھ کیتی ڳی۔ آسٹریلیا دے سفیر اڄوکی حکومت دے ملکی معیشت دے استحکام اتے آئی ایم ایف معاہدے کیتے کوششاں دی تعریف کیتی۔ وفاقی وزیر اطلاعات آکھیا جو پاکستان آسٹریلیا نال تعلقات کوں قدر نال ݙیکھدے۔ آسٹریلیا دے سفیر وفاقی وزیر اطلاعات دی فلم اینڈ کلچر اتے ملک اچ آزادی اظہار رائے دے فروغ بارے کوششاں دی تعریف کیتی۔
