اسلام آباد۔9جنوری (اے پی پی) وزارت مذہبی امور سرکاری سکیم دے تحت 5ہزار خالی حج نشستاں تے 10 جنوری کوں درخواستاں منڳ ڳھدن۔ وزارت مذہبی امور دے ترجمان موجب پنڄ ہزار خالی نشتساں تے وزارت مذہبی امور پہلے آؤ پہلے ڳھنو دی بنیاد تے درخواستاں منڳین۔ حج دے خواہش مند جو درخواست ݙیوݨ توں رہ ڳئے ہن ایں سکیم توں فیدہ چا سڳدن۔ پنڄ ہزار دی تعداد پوری تھیوݨ تے درخواستاں دی وصولی روک ݙتی ویسی۔ ترجمان آکھیا جو سارے نامزد بینک روزانہ دی بنیاد تے جمع درخواستاں کوں پورٹل تے فوری اپ لوڈ کرݨ دے پابند ہوسن۔ نویں درخواست ݙیوݨ آلے پہلی ݙو قسطاں دی مد اچ چھی لکھ روپے جمع کرویسن۔ قربانی اتے انڄ کمرے دے ودھیکی چارجز ہوسن۔
