اسلام آباد۔31جنوری(اے پی پی) الیکشن کمیشن اچ ضمنی انتخابات اچ تحریک انصاف دے چیئرمین عمران خان دی کامیابی دا نوٹیفکیشن روکݨ دی درخواست واپس گھن ڳھدی ڳئی ۔ منڳل کوں الیکشن کمیشن اچ چیف الیکشن کمشنر سکندر سلطان راجہ دی سربراہی اچ بینچ کیس دی سماعت کیتی۔ درخواست گزار موقف اختیار کیتے جو عمران خان دی کامیابی دانوٹیفکیشن جاری تھی چکیے ، درخواست اچ ترمیم دی اجازت ݙتی ونڄے ، جیں تے بلوچستان توں ممبر آکھیے درخواست گزار درخواست واپس گھن تے نوٹیفکیشن چیلنج کرن۔ چیف الیکشن کمشنر آکھیے نوٹیفکیشن چیلنج کرݨ دی درخواست اڄ ہی دائر کر ݙیو جیں تے درخواست گزار ضمنی انتخابات اچ عمران خان دی کامیابی دا نوٹیفکیشن روکݨ دی درخواست واپس گھن ڳھدی ۔ واضح رہے جو توشہ خانہ کیس اچ نااہلی دی وجہ توں نوٹیفکیشن روکݨ دی استدعا کیتی ڳئی ہئی ۔
