اسلام آباد۔17نومبر(اے پی پی) خاتون اول بیگم ثمینہ علوی ہسپتالاں، غیر سرکاری تنظیماں اتے سول سوسائٹی تے زور ݙتے جو او میڈیکل دے نظام اچ سکریننگ دیاں بہتر سہولتاں تے کم کرن تاں جو تریمتاں اچ چھاتی دے کینسر دا ابتدائی مرحلے اچ پتہ چل سڳے۔ اے ڳالھ انہاں ایوان صدر اچ چھاتی دے کینسر متعلق آگاہی تقریب توں خطاب کریندے ہوئیں آکھی اے ، انہاں آکھیے میموگرام اتے الٹرا سائونڈ دے ذریعے وختی تشخیص نال مریضاں دی اموات دی شرح اچ 98 فیصد تئیں گھٹ کیتا ونڄ سڳدے ۔ معروف انٹرنیشنل ہسپتال دی طرفوں نیشنل پریس کلب دے تعاون نال منعقدہ تقریب اچ چھاتی دے کینسر دے خلاف وݙی مدت تے وݙے پیمانے تے مہم دی اہمیت کوں اجاگر کیتا ڳئے تاں جو ہر سال تریمتاں دی 40 ہزار اموات دی تشویشناک حد تئیں دی تعداد گھٹائی ونڄ سڳے ۔
