اسلام آباد۔30جولائی(اے پی پی)وفاقی وزیر اطلاعات و نشریات عطا تارڑ آکھیے جو بانی پی ٹی آئی عمران خان سیاسی مفادات کیتے ادارے کوں سیاست اچ ڳھیلݨ چاہندن، جیل توں ہݨ نویں کہانی گھڑی گئی اے، انہاں دا سوشل میڈیا سیل پکڑیا ڳئے جیندے تار ٻاھرو ملدن۔ پارلیمنٹ دے ٻاھرو میڈیا نال الیندے انہاں آکھیے جو پہلے نیوٹرل کوں جانور آکھݨ آلے ہݨ یکدم منتاں ترلے تے آ ڳن اتے نویں فلم چلاݙتی اے جو مہرنابی کرو میݙے نال ڳالھ کرو۔ انہاں آکھیا جو انہاں دا سوشل میڈیا قومی سلامتی اداراں دے خلاف منظم مہم چلیندے ڄیڑھا پکڑیا ڳئے، اے کوڑا بیانیہ ڳھڑیندن اتے لوکاں کوں گمراہ کریندن، اے کہیں ویلھے گریبان تے کݙاھیں پیر پکڑ ڳھندن، فوج کوں سیاست اچ ڳھن آوݨ انہاں دی کوئی نویں سازش اے، انہاں کوں اے قبول نئیں جو ادارہ نیوٹرل تھی ڳئے، ڄیکر تساں سچے ہیوے تاں ول پولیو گرافک ٹیسٹ توں کیوں ٻھڄدے او؟ نو مئی دی پلاننگ بانی پی ٹی آئی دی ہئی، ڄݙاں دا بانی پی ٹی آئی جیل اچ اے معیشت وی بہتر تھیندی پئی اے اتے ایکسپورٹ ویو دھدیاں پبن، اصل عدم استحکام دی وجہ بانی پی ٹی آئی ہین۔ انہاں آکھیا جو اے فلم : نہ چھڑیساں ” دا اینٹی کلائمکس اے ڄیرحا اتھاں آن مکیے جو پلیز میݙے نال الائو۔
