واشنگٽن -23 آڪٽوبر (اي پي پي) آمريڪا چيو آهي، ته حماس ۽ اسرائيل وچ ۾ لڳل جنگ پکڙجي وئي ته سڄي خطي ۾ آمريڪي فوجي ۽ شهري خطري ۾ هوندا، آمريڪي خابرو اداري پرڏيهي وزير انٽوني بلنڪن ۽ دفاع واري وزير لائيڊ آسٽن جي انٽرويو جي حوالي سان ٻڌايو آهي ته جيڪڏهن جاري جنگ ۾ واڌ ٿي ته آمريڪي فوج تي وچ اوڀر ۾ حملا ٿي سگهن ٿا.سندن چوڻ آهي ته آمريڪا نٿو چاهي ته وچ اوڀر ۾ اها جنگ وڌيڪ پکڙجي. لائيڊ آسٽن چيو ته اسان کي ان جنگ جي پکڙجڻ بابت ڳڻتي آهي اسان ڏسي رهيا آهيون ته جنگ جي پکڙجڻ سان اسان جي فوجين ۽ شهرين کي سڄي خطي ۾ خطرا درپيش ٿي سگهن ٿا. سندن چوڻ هو ته جيڪڏهن ٻئي ڌريون ان جنگ جي پکڙجڻ جي خواهش رکن ٿيون ته اسان جي صلاح اها آهي ته اهي ايئن ڪرڻ کان پاسو ڪن.
