اسلام آباد۔ 25 اکتوبر (اے پی پی) وفاقی وزیر برائے داخلہ اتے منصوبہ بندی، ترقی تے اصلاحات احسن اقبال چین پاکستان اقتصادی راہداری منصوبیاں تے جاری پیش رفت تے اطمینان کریندیں ہوئیں آکھیا جو 21نومبر کوں تھیونڑ آلی ستویں جائنٹ کو آپریشن کمیٹی (جے سی سی ) دے موقع تے سی پیک لانگ ٹرم پلان دی منظوری ڈتی ویسی۔وفاقی وزیر سارے سٹیک ہولڈرز تے صوبائی حکومتاں کوں ہداےت کیتی اے جو او ستویں جے سی سی سانگے منصوبیاں کوں اخیری شکل ڈتی ونجے۔اے گالھیں انہاں پلاننگ کمیشن اسلام آباد اچ سی پیک بارے اکنجواں پراگریس ریویو اجلاس نال خطاب کریندیں ہوئیں آکھی۔اجلاس اچ وفاقی وزارتاںتے صوبائی محکمیاں تے چینی سفارت خانے دے اعلیٰ حکام شریک تھےے،اجلاس اچ خصوصی اقتصادی زونز تے پیش رفت دا جائزہ گھد اگئیا۔احسن اقبال سارے منصوبیاں کوں اقتصادی زونز دی فیزیبلٹی نومبر دے پہلے ہفتے تئیں پوری کرنڑ تے زور ڈیندیں ہوئیں بور آف انوسٹمنٹ کوں فوری طور ایں بارے سارے معاملے حل کرنڑ دی ہداےت کیتی تانجو انہاں زونز کوں ہکوجیہی طرز تے بنڑاونڑ دی کوشش کیتی ونجے۔
