اسلام آباد۔7مارچ (اے پی پی) صدر ڈاکٹر عارف علوی دا تریمتیں اتے ٻالاں دی سزائیں اچ انسانی ہمدردی دی بنیاداں تے ڳھٹکی دا اعلان کیتے۔ ایوان صدر دے پریس ونگ توں خمیس کوں جاری بیان موجب سزا اچ چھوٹ دا اطلاق ݙو سال یا اوں توں ڳھٹ عرصٖ کیتے سزا یافتہ تریمتیں اتے ٻالاں تے تھیسی، چھوٹ دا اطلاق سزا پوری تھیوݨ اچ ݙو سال توں ڳھٹ دا عرصہ رہ ونجݨ آلی تریمتیں اتے ٻالاں تے ہوسی۔ بیان موجب سزا اچ ڳھٹکی دا اطلاق قتل، جاسوسی، ریاست مخالف سرگرمیاں، اغوا، چوری، ڈکیتی دے مجرماں تے کائنا تھیسی۔ ڳھٹکی دا اطلاق زنا آرڈیننس، انسدادِ دہشت گردی ، غیرملکی افراد اتے نشہ آور مواد دے کنٹرول ایکٹ دے تحت سزایافتہ مجرماں تے کائنا تھیسی۔ صدرمملکت سزائیں اچ ڳھٹکی دی منظوری آئین دے آرٹیکل 45 اتے رولز آف بزنس دے تحت ݙتی اے۔
