اسلام آباد۔14مارچ (اے پی پی) سینیٹ اچ وفاقی دارالحکومت اسلام آباد دی نشست سانڳے قومی اسمبلی ہال اچ پولنگ شروع تھی ڳئی اے جیڑھی جو شام 4 وڄے تئیں جاری رہسی ۔ جمعہ کوں قومی اسمبلی ہال اچ بݨائے ڳئے پولنگ بوتھ اچ ارکان قومی اسمبلی اسلام آباد دی ھک جنرل نشست سانڳے آپݨا حق رائے دہی استعمال کیتے۔ الیکشن کمیشن دی طرفوں انتخابی عمل سانڳے ظفر اقبال بطور پریذائیڈنگ افسر دے فرائض سر انجام ݙتن۔ شام چار وڄے پولنگ دا عمل مکمل تھیوݨ تے ووٹاں دی ڳنتری دے بعد نتیجے دا اعلان کیتا ویسی ۔
