کراچی۔21فروری (اے پی پی) صدرمملکت ڈاکٹر عارف علوی آکھیا جو کینسر دی روک تھام کیتے عوام اچ آگاہی ݙیوݨ کیتے منظم مہم چلاوݨ ضروری اے، اے علاج توں سوکھا اتے ڳھٹ خرچ اے۔ پاکستان اٹامک انرجی کمیشن کئی ݙھاکیاں توں جوہری توانائی، زراعت اتے بائیو ٹیکنالوجی دے شعبیاں اچ جوہری ٹیکنالوجی دے استعمال نال قابل ستائش قومی خدمات ݙیندا پئے، کرن اچ نویں شامل تھئی سہولتاں دا افتتاح کریندیں ہوئیں میکوں خوشی تھئی اے اتے امید اے کراچی اتے اوندے نیڑے دے علاقیاں دے کینسر دے مریضاں کوں ٻہوں وݙا ریلیف ملسی۔ اے ڳالھیں انہاں سنوار کوں کینسر دے جڳ ݙیھاڑ دی مناسبت نال اتھاں کرن ہسپتال اچ دی کینسر بارے آگاہی ودھاوݨ بارے سمپوزیم دے افتتاح دے موقع تے ڳالھ مہاڑ کریندیں ہوئیں آکھی۔ انہاں اٹامک انرجی کینسر ہسپتال(اے ای سی ایچ )کراچی اچ کینسر دی تشخیص اتے علاج دی نویں تنصیبات دا وی افتتاح کیتا۔
