اسلام آباد۔2اکتوبر (اے پی پی) وفاقی وزیر منصوبہ بندی تے ترقی احسن اقبال آکھیا جو اے ویلھا سیاست دا نی چھل متاثرین دی مدد دا اے، عمران خان آپݨی سیاست بچاوݨ کیتے ملکی مفادارت نال کھیݙیے، ہسپتال دے ناں تے ارباں روپے کٹھے کر تے سیاست کیتے استعمال کیتے۔ عوام دے پیسے تے ڈاکہ مار تے آپݨی سیاست چلائی اے، عمران خان قومی اداریاں دے خلاف آپݨی ریڈ لائن کراس کیتی اے، پی ٹی آئی ہیلی کاپٹر حادثے دے شہیداں تے وی منفی سیاست کیتی، فارن فنڈنگ کرݨ آلے عمران خان دے ذریعے پاکستان اچ انتشار اتے انارکی چاہندن۔ عمران خان ارباں روپے لاتے جلسے کریندے پئن۔ اے ڳالھیں انہاں اتوار کوں نارووال اچ میڈیا نال ڳالھ مہاڑ کریندیں ہوئیں آکھی۔ انہاں آکھیا جو ملک اچ مہانگ دی اڄوکی لہر عمران خان دا ݙتا تحفہ اے جئیں اچ پوری قوم پسدی پئی اے۔ انہاں آکھیا جو عمران خان دا بیانیہ مٹی اچ رل ڳئے، اساں چھل متاثرین دی وانڳوں پہلے چار مہینے اچ قومی معیشت کوں ریسکیو کیتا اتے ہݨ اوندی بحالی آلے پاسے توجہ ݙیندے پیوں۔ انہاں آکھیا جو اساں تساݙٰ ناکامی اتے نالائقی پاروں معیشت دے تھیوݨ آلے نقصان توں بچائے۔ انہاں آکھیا جو اے ویلھا سیاست دا نی چھل متاثرین دی مدد دا اے، عمران خان آپݨی سیاست بچاوݨ کیتے ملکی مفادارت نال کھیݙیے، ہسپتال دے ناں تے ارباں روپے کٹھے کر تے سیاست کیتے استعمال کیتے۔ عوام دے پیسے تے ڈاکہ مار تے آپݨی سیاست چلائی اے، عمران خان قومی اداریاں دے خلاف آپݨی ریڈ لائن کراس کیتی اے، پی ٹی آئی ہیلی کاپٹر حادثے دے شہیداں تے وی منفی سیاست کیتی، فارن فنڈنگ کرݨ آلے عمران خان دے ذریعے پاکستان اچ انتشار اتے انارکی چاہندن۔
