اسلام آباد۔28نومبر (اے پی پی) نگران وفاقی وزیر اطلاعات، نشریات تے پارلیمانی امور مرتضیٰ سولنگی آکھیا جو ہر ہک کوں اظہار رائے، شکایت اتے تنقید دی آزادی اے، آئین دے آرٹیکل 218(3) دے تحت الیکشن کمیشن صاف، شفاف اتے غیر جانبدارانہ انتخابات کراوݨ کیتے آپݨی ذمہ واریاں پوری کریسی۔ اے ڳالھ انہاں منگل کوں میڈیا نال ڳالھ مہاڑ کریندیں ہوئیں آکھی۔ نگران وفاقی وزیر اطلاعات 90 ݙینھ اچ انتخابات بارے سوال دے ولدے اچ آکھیا جو آئین اندر 280 آرٹیکل موجود ہن۔ آئین اچ صرف نوے ݙینھ اچ انتخابات کراوݨ دا آرٹیکل کائنی۔ ایندے اچ آرٹیکل 254 وی موجود اے، او وی پڑھیا ونڄے۔ انہاں آکھیا جو پاکستان اچ ہر کہیں کوں اظہار رائے، شکایت اتے تنقید کرِݨ دی آزادی اے۔ جیڑھی آزادی پاکستان پیپلز پارٹی اتے ٻئی جماعتاں کوں اے او مسلم لیگ ن کوں وی اے۔
