کراچی۔ 22 مارچ (اے پی پی):پاکستان پیپلزپارٹی دے چیئرمین بلاول بھٹو زرداری ڈی آئی خان اچ سیکیورٹی فورسز دے قافلے تے خودکش حملے دی مذمت کریندے ہوئیں آکھیے جو نائب صوبیدار یاسر شکیل شہید اتے سپاہی طاہر نوید شہید ارضِ وطن دی خاطر جاناں قربان کیتن ، قوم دے دفاع اچ شہید جواناں دی لڳن اتے بہادری کوں ہمیشہ احترام نال یاد رکھیا ویسی ۔ انہاں آکھیے جو پاکستان پیپلز پارٹی دہشت گردی نال نبݨݨ دے آپݨے عزم اچ پوری قوم نال کھڑی اے ۔چیئرمین بلاول بھٹو زرداری شہداء دے لواحقین نال دلی تعزیت دا اظہاراتے شہداء دے اُچے درجات سانڳے دعا وی کیتی۔
