اسلام آباد۔4جولائی(اے پی پی) پاکستان بھارت دے غیر قانونی تسلط اچ جموں و کشمیر اچ انسانی حقوق دی پامالیاں تے چنتا کریندے آکھیے جو علاقے وچ اختلاف رائے کوں لتاڑݨ سانڳے بھارتی حکام دی مہم مسلسل جاری اے۔ دفتر خارجہ دی ترجمان ممتاز زہرہ بلوچ پریس بریفنگ وچ آکھیے معروف کشمیری قانون دان اتے ہائی کورٹ بار ایسوسی ایشن دے سابق صدر میاں عبدالقیوم کوں ہݨ ہی آپوں گھڑیے الزام اچ گرفتار کیتا ڳئے۔ انہاں آکھیے میاں عبدالقیوم ٻݙھیپے اچ ٻہوں بیماریاں دی وٹھ اچ ہن ، انھاں دی گرفتاری واضح سیاسی انتقام اے۔ ترجمان آکھیے اساں بھارتی حکام تے زور ݙیندوں جو او میاں عبدالقیوم تے ٻئے ہزاراں کشمیری سیاسی قیدیاں، اختلاف رائے رکھݨ آلے تے انسانی حقوق دے کارکناں کوں رہا کرن۔ ترجمان ایں ڳالھ دا اعادہ کیتے جو پاکستان اقوام متحدہ دی سلامتی کونسل دی قرارداداں موجب جھیڑا جموں و کشمیر دے منصفانہ تے پرامن حل سانڳے کشمیریاں دی سیاسی، سفارتی اتے اخلاقی حمایت جاری رکھیسی۔
