اسلام آباد۔5جون(اے پی پی)وفاقی وزیر اطلاعات و نشریات چوہدری فواد حسین آکھیے جو زمین تے وسݨ آلے ہر انسان کوں ماحول دوستی دا فرض ادا کرݨا ہوسی، ویلھے دی لوڑھ اے جو انسانیت عالمی اتحاد بݨا تے ماحول دا تحفظ کرے، ودھدے عالمی درجہ حرارت، جنگلات اچ کمی، گلیشیئرز دا پگھرݨ وݙے خطرات ہین، عمران خان پہلے ماحول دوست وزیراعظم ہین جیڑھے ہک عالمگیر تحریک چلیندے پین جیکوں ڄڳ وی منیے۔ اے ڳالھ انہاں عالمی یوم ماحولیات دے موقع تے اپݨے سنیہے اچ آکھی۔ انہاں آکھیا جو وزیراعظم عمران خان نوجواناں اتے ڄڳ کوں احساس ݙویندن جو ماحول چنڳان کرݨ کتنا ضروری اے، پاکستان اچ پہلی واری شجرکاری اتے ماحول دوستی کوں پالیسی سطح تے اتنی توجہ اتے محنت نال فروغ ݙتا ویندا پئے جیندے ماحولیاتی شعبے اچ بہتری دے چنڳے نتیجے نکلسن، ایں سال ماحولیات دے عالمی ݙینھ دی میزبانی ملݨ پاکستان کیتے ماݨ دی ڳالھ اے۔
