اسلام آباد۔18دسمبر (اے پی پی) نگران وزیراعظم انوار الحق کاکڑ آکھیا جو پاکستان وݙی تعداد اچ غیر دستاویزی تارکین کوں رہا تے آپݨی قومی سلامتی تے ٻیا سمجھوتہ نی کر سڳدا، اساݙا مقصد ہک محفوظ، پر امن اتے خوشحال پاکستان ٻݨاوݨ اے۔ وزیراعظم ’’دی ٹیلی گراف ‘‘اچ چھپݨ آلے ہک مضمون اچ لکھیا جو پوری دنیا دی حکومتاں تنازعے، موسمیاتی تبدیلیاں اتے اقتصادی موقع نال جڑیے وݙے پیمانے تے نقل مکانی ہک نویں دور موجب خود کوں ڈھلیندی پئی اے۔ انہاں آکھیا جو برطانیہ حکومت دا غیر قانونی تارکین وطن کوں روانڈہ ٻھیجݨ دا منصبہ ایں دباؤ دی علامت ہئی۔ انہاں آکھیا جو امریکا اچ وی صورتحال سوکھی کائنی پر پاکستان دا مسئلہ بلکل انج اے، گزریل چار ڈھاکیاں اچ چار توں پنج ملین وچال تارکین وطن آڳئن جیڑھے آئرلینڈ دی آبادی دی برابر ہن۔ وزیراعظم لکھیا جو 1951 دے مہاجرین دے کنونشن (اتے اوندے 1967 دے پروٹوکول) تے دستخط نہ کرݨ دے باوجود اساں فراخدلی پناہ گزیناں کوں ڄاہ ݙتی اے۔ انہاں آکھیا جو مزمان نوازی پاکستان دے ڈی این اے اچ اتے اے ملک آپݨی قانونی، اخلاقی اتے انسانی ذمہ واریاں کوں پورا کریندے اتے کریندا رہسی۔ انہاں آکھیاجو اساں وݙے عرصے جتنے لوکاں کوں ڄاہ ݙے سڳدن انہاں کوں اتھ رکھݨ کیتے ٻہوں محنت کیتی اتے جنہاں دا اتھ رہݨ دا کوئی حق وی کائنا ہئی انہاں کوں وی رضاکارانہ طور ملک چھوڑݨ کیتے مناسب موقع ݙتے۔ انہاں آکھیا جو اگست 2021 توں ڳھٹ توں ڳھٹ 16 افغان شہریاں پاکستان اندر خودکش حملے کیتن اتے 65 دہشت گرد ماریے ڳئے۔ سیکورٹی فورسز نال جھڑپاں اچ ماریے ڳئے دہشت گرداں خصوصی طور سرحدی علاقے اچ انہاں دی سنڄاݨ افغانی دے طور کیتی ڳئی اے۔ کوئی وی حکومت ایجھے خدشات کوں نی وسار سڳدی۔ انہاں آکھیاجو خطرے اچ ݙوچار گروپاں جینویں موسیقار، صحافیاں اتے انسانی حقوق دے کارکناں کوں ملک بدر کائنا کریسوں جڈانجو اساکوں ٻئے ملکاں دی لوڑھ اے۔ انہاں آکھیا جو آوݨ آلے ڈینھ اچ صرف 59,033 کوں پاکستان توں ٻاہر آباد کیتا ڳئے جڈانجو 42,068 مغرب ونجݨ دے منتظر ہن۔ پاکستان وݙی تعداد اچ غیر دستاویزی تارکین کوں رہا تے آپݨی قومی سلامتی تے ٻیا سمجھوتہ نی کر سڳدا، اساݙا مقصد ہک محفوظ، پر امن اتے خوشحال پاکستان ٻݨاوݨ اے۔
