پوری انسانیت دے فیدے کیتے سائنسی بنیاداں تے علم دے سانجھ دی لوڑھ اے، صدرمملکت

2025-03-06 17:35:08

اسلام آباد۔16جنوری (اے پی پی) صدر مملکت ڈاکٹر عارف علوی مختلف شعبیاں اچ ٹیکنالوجی دی ترقی تے جدت اتے علم دی فراوانی دی اہمیت کوں اجاگر کریندٰں ہوئیں پوری انسانیت دی فیدے کیتے جدید پیش رفت، تجربے اتے کامیابیاں دی سانجھ دی لوڑھ تے زور ݙتے اتے آکھیا جو علم دی دستیابی کوں صرف “کاپی رائٹس” تئیں محدود نی ہووݨا چاہیدا کیونجو ودھ توں ودھ رسائی انسانیت کوں اڄوکے معاشی، سماجی اتے عالمی چیلنجز نال نبڑݨ اچ مدد مل سڳدی اے۔ اے ڳالھیں انہاں منگل کوں ایوان صدر اچ کمیشن برائے سائنس و ٹیکنالوجی فار سسٹین ایبل ڈویلپمنٹ (کامسیٹس) دی 29ویں سالڳںڈھ تقریب اچ بطور مہمان خصوصی خطاب کریندیں ہوئیں آکھی۔ تقریب اچ سفارت کاراں، ماہرین تعلیم اتے میڈیا دے نمائندے شریک تھیے۔ صدرمملکت ترجیحات دے نویں سروں تعین دی لوڑھ تے زور ݙیندیں ہوئیں آکھیا جو قوماں وچال علم دا بلا رکاوٹ اتے وسیع تبادلہ تھیوݨا چاہیدے۔ ایں بارے نااںصافیاں دا ازالہ کرݨ دی لوڑھ اے۔ صدر عارف علوی ٻیا آکھیا جو دنیا اچ تبدیل”اخلاقیات یا انسانیت تے مبنی نظام” دی موجودگی اچ تھی سڳدی اے۔ انٹرنیشنل سینٹر فار کلائمیٹ اینڈ انوائرنمنٹ سائنسز چین دے ڈائریکٹر پروفیسر ڈاکٹر لین ژاؤہوئی ایں موقع تے سائنس، ٹیکنالوجی اتے اختراعات دے شعبے اچ تعاون دے فروغ کیتے کامسیٹس دے عزم اتے کردار دی تعریف کیتی۔

مضمون کا ماخذ : لاٹری کے انعامات

متعلقہ مضامین