اسلام آباد۔ 29 اگست (اے پی پی) وزیراعظم دے مشیر برائے خزانہ ومحصولات ڈاکٹر عبدالحفیظ شیخ آکھیے جو پاکستانی تبدیلی دے دور توں گزردا پئے بدعنوانی دا خاتمہ، شفافیت کوں یقینی بنڑاونڑ تے بہتر اسلوب حکمرانی موجودہ حکومت دی پہلی ترجیح اے ، اقتصادی چیلنجز دے باوجود حکومت ولوں معیشت دی بہتری کیتے مثبت اقدامات دے مثبت نتیجے سامنڑے آندے پن ، وزیراعظم عمران خان خود بہتر اسلوب حکمرانی اتے شفافیت تے یقین رکھیندن تے ایں حوالے نال پرعزم ہن ، کیپٹل مارکیٹ ریگولیشنز دے ضمن اچ باہمی اتے علاقائی رابطیں دے بہتر نتیجے سامنڑے آسن۔ وزیراعظم دے مشیر برائے خزانہ ومحصولات ڈاکٹر عبدالحفیظ شیخ اے گال خمیس کوں اتھاں پہلی وسطی ایشیائی علاقائی تعاون (کاریک) کیپیٹل مارکیٹ ریگولیشن فورم نال خطاب کریندے ہوئیں آکھی اے ۔فورم دا اہتمام کاریک سیکورٹیز اینڈ ایکسچینج کمیشن آف پاکستان دے تعاون نال کیتے ۔ وزیراعظم دے مشیرآکھیے جو وسطی ایشیا تے مغربی ایشےاءدے خطے وچال مابین تعلقات اتے تعاون اہمیت رکھیندے کیوں جو اساں سمجھدوں جو ترقی کٹھے تھی سگدی اے ۔انہاں آکھیے جو علاقائی رابطیں، اتے حکومتاں وچال تعاون دے نال نال کیپیٹل مارکیٹس دے مابین ضابطیں دے حوالے نال سانجھے رابطے دی اہمیت توں انکار نی کیتا ونج سگدا ۔ایں گال کوں سمجھنڑ دی ضرورت اے جو موثر تے شفاف انداز اچ آپریشنز دے ذریعے نجی شعبے کیتے آسانیاں تے سہولتاں ڈتیاں ونجن کیوں جو شہریاں کوں صحت ، تعلیم ، ٹرانسپورٹ تے بیاں بنیادی ضرورتاں دی فراہمی اچ حکومت دے نال نال نجی شعبہ وی اپنڑاں کردار ادا کرسگدے ۔
