اسلام آباد۔26مارچ (اے پی پی):وزیرِ اعظم عمران خان دورہء کمالیہ اچ کمالیہ یونیورسٹی سودھے مختلف منصوبیں دا سنگ بنیاد رکھیے۔ہفتہ کوں وزیرِ اعظم عمران خان کمالیہ، ضلع ٹوبہ ٹیک سنگھ دا ھک ݙینھ دا دورہ کیتے ۔کمالیہ اچ وزیرِ اعظم دریائے روای تے مل فتیانہ پل دی تعمیر دا افتتاح کیتا۔ فتیانہ پل کمالیہ اچ آوںج تے زرعی اجناس دے ملاں تئیں پڄݨ دے مسئلیں دا سد باب کریسی ۔ایندے علاوہ وزیرِ اعظم کمالیہ یونیورسٹی دا سنگِ بنیاد وی رکھیا۔2.5 ارب روپے دی لاڳت توں تعمیر تھیوݨ آلی کمالیہ یونیورسٹی دی تعمیر ݙو مرحلے اچ تھیسی ۔ 45 ایکڑ تے محیط کمالیہ یونیورسٹی علاقے دے نینگراں کوں عالمی معیار دی تعلیم و پیشہ وارانہ تربیت توں آراستہ کریسی ۔ یونیورسٹی دی تعمیر توں علاقے دے نوجواناں کوں روزگار دے موقع ملݨ تے قومی دھارے اچ رل تے ملکی ترقی اچ آپݨا موثر کردار نبھاوݨ اچ وی معاومت ملسی ۔
