اسلام آباد۔20ستمبر (اے پی پی) نگران وفاقی وزیر اطلاعات تے نشریات مرتضیٰ سولنگی معروف شاعر، ادیب اتے دانشور افتخار عارف دی علمی تے ادبی خدمات کوں خراج تحسین پیش کریندیں ہوئیں آکھیا جو پاکستان دے علم تے ادب دے رکھوالیاں دا ناں ڳھدا وںجے تاں افتخار عارف دا ناں ساریاں توں اُتے ہوسی۔ افتخار عارف ہک ایجھا درخشاں ستارہ اے جیڑھا ملک اچ علم تے ادب بارے آپݨا مقام رکھدن۔ اے ڳالھیں انہاں بدھ کوں انفارمیشن سروس اکیڈمی اچ معروف شاعر افتخار عارف دی زندگی تے ٻݨݨ آلی دستاویزی فلم ”بارہواں کھلاڑی“ دی تقریب اجراء توں خطاب کریندے پئے ہن۔ تقریب دے شرکاءکوں افتخار عارف دی زندگی تے ٻݨݨ آلی دستاویزی فلم ”بارہواں کھلاڑی“ وی ݙکھائی ڳئی۔
