بیجنگ۔19اکتوبر(اے پی پی) نگران وزیرِ اعظم انوار الحق کاکڑ آکھیے پاکستان پورے ملک اچ انفراسٹرکچر دی ترقی سانڳے اقدامات کریندا پئے ، پاکستان کوں ٹرانزیشنل اکانومی بݨاوݨ تے ملک اچ سیاحت دی ترقی سانڳے ریلوےاتے روڈ انفراسٹرکچر ٻہوں ضروری اے ۔ وزیر اعظم دے میڈیا ونگ توں جاری پریس ریلیز موجب اے ڳالھ انہاں سی ای او چائنا کمیونیکیشنز کنسٹرکشن کمپنی وانگ ہائی ہوائی تے چیئرمین چائنا روڈ اینڈ برج کارپوریشن نال ملاقات اچ آکھی اے جنہاں وزیراعظم نال بیجنگ اچ ملاقات کیتی ۔ ملاقات اچ شرکا سی پیک دے تحت سی سی سی سی اتے سی آر بی سی دے پاکستان اچ جاری منصوبیں بارے ݙسایا ۔ شرکا پاکستان اچ انفراسٹرکچر دی تعمیر، قابل تجدید توانائی تے ٻئے شعبیں اچ آپݨی سرمایہ کاری ودھاوݨ اچ دلچسپی رکھݨ دا اظہار کیتے ۔وزیرِ اعظم چینی کمپنیاں دے پاکستان اچ منصوبیں دی پزیرائی کیتی تے انہاں دی سرمایہ کاری ودھاوݨ اچ دلچسپی دا خیر مقدم کیتے۔ وزیرِ اعظم آکھیے پاکستان پورے ملک اچ انفراسٹرکچر دی ترقی سانڳے اقدامات کریندا پئے۔
