لاہور۔15جون (اے پی پی):وفاقی وزیر منصوبہ بندی،ترقی و خصوصی اقدامات احسن اقبال آکھیے جو پی ٹی آئی دے دور حکومت اچ 80فیصد قرضے ڳھدے ڳئن جنہاں دی ادائیگی ڳل دا طوق بݨ ڳئی اے ۔ پاکستان کوں اڳوں گھن ونڄݨا اے تاں آندے ترائے سالاں اچ غیر ملکی قرضیں دی ادائیگی سانڳے زر مبادلہ دے ذخیرے ودھاوݨے ہوسن ۔ اے ڳالھ انہاں فور برادرز دے دورے دے بعد میڈیا نال پریس بریفنگ اچ آکھی اے چیئرمین فور برادرز جاوید سلیم قریشی وفاقی وزیر کوں فور برادرز دے آپریشنز تے بریفنگ ݙتی۔ میڈیا نال ڳالھ مہاڑ اچ وفاقی وزیر احسن اقبال آکھیے چین دے اڄوکے دورے دی روشنی اچ پاکستان دے مستقبل دے نقشے تے ڳالھ کرݨ آیا ،چین پاکستان دا پراݨا یار اے جیں ہر بحران اتے اوکھ اچ پاکستان دا ساتھ ݙتے اندھاریں توں کڈھݨ سانڳے چین ساݙی مدد کیتی 8ہزار میگاواٹ بجلی دے منصوبے لاتن جݙاں جو تھر اچ موجود کولیں دے ذخیرے توں بجلی بݨاوݨ دے پلانٹ لاتن اڄوکے دورہ چین تے احسن اقبال آکھیے چین دی قیادت نال پاکستان دے مسئلیں تے کھل تے ڳالھ تھئی جیں اچ سی پیک کوں اڳوں ودھاوݨ تے اتفاق کیتا ڳئے۔
