اسلام آباد۔23جون (اے پی پی):سنی اتحادکونسل دے ارکان اتوار کوں قومی اسمبلی توں واک آوٹ کیتا۔قومی اسمبلی دے اجلاس دے آغاز تے سنی اتحادکونسل دے ارکان ایوان اچ کھڑے تھی تے سپیکرتوں مطالبہ کیتا جو انہاں کوں اعتراض دے نکتے تے ڳالھ کرݨ دی اجازت ݙتی ونڄے جیں تے سپیکر آکھیے تساں جیڑھی ڳالھ کرݨی اے آپݨی بجٹ تقریر اچ کر گھنو جݙاں جو سنی اتحادکونسل دے ارکان دا اصرارجاری رہیا۔ سپیکر دی طرفوں اعتراض دے نکتے تے ڳالھ کرݨ دی اجازت نہ ݙیوݨ تے سنی اتحاد کونسل دے ارکان ایوان توں بائیکاٹ کیتا۔
