اسلام آباد۔7اکتوبر(اے پی پی)صدر مملکت ڈاکٹر عارف علوی آکھیے جو سوشل میڈیا نال چھاتی دے کینسر بارے آگاہی ݙیوݨی ہوسی، سوشل میڈیا دی بااثر شخصیات کینسر دی ویلھے تے تشخیص کیتے باقاعدگی نال جسمانی معائنہ کرݨ دی اہمیت کوں اڳونہا کرن۔ اے ڳالھ انہاں چھاتی دے کینسر بارے آگاہی مہم کیتے سوشل میڈیا دی بااثر شخصیات نال ملݨ ویلھے آکھی جو سوشل میڈیا آگاہی ݙے تے بریسٹ کینسر پاروں شرح ِاموات ڳھت کرݨ اچ ہتھ ونݙا سڳدے، چھاتی دے کینسر دے ابتدائی مرحلے اچ تشخیص نال 99 فیصد مریضاں کوں بچایا ونڄ سڳدے، جنوبی ایشیا اچ ایندے کیسز ودھدے پن، پاکستان اچ چھاتی دے کینسر دے مریضاں کوں کلینیکل سکریننگ دی سہولیات ݙیوݨی ہوسن۔