اسلام آباد۔6اپریل(اے پی پی)صدر مملکت ڈاکٹر عارف علوی نے ٻالاں کوں سخت محنت دی نصیحت کریندے آکھیے جو جیوݨ اچ ترقی اتے اڳو تے ودھݨ کیتے محنت ٻہوں ضروری اے، ٻال وݙیاں دا احترام، ہمدردی اتے محبت پیدا کرن۔ اے ڳالھ انہاں ایوان صدر اسلام آباد اچ یتیم ٻالاں دے اعزاز اچ افطار استقبالیہ نال خطاب اچ آکھی جو سخت محنت عملی زندگی اچ ترقی دیاں نویں راہیں کھلیسی۔ انہاں حضور صلی اللہ علیہ وسلم دے جیوݨ دی مثال ݙیندے آکھیا جو حضور صلی اللہ علیہ وسلم وی ٻہوں چھوٹی عمر اچ اپݨا ابا سئیں ونڄا ݙتا ہا، ایں سانڳے قرآنی آیت اچ آکھیا ڳئے جو ” کیا اوں تہاکوں یتیم ڄاݨ تے تے پناہ نئیں ݙتی”۔ صدر مملکت ٻآلاں نال گھل مل گئن اتے آکھیا جو ایوان صدر دراصل تہاݙا اپݨا اے۔ این توں پہلے “پاکستان آرفنز کیئر فورم ” دے چیئرمین عبدالشکور ادارے دے کردار بارے ݙسایا جو 15 رمضان المبارک یتیماں دے ݙینھ دے طور تے منایا ویندے۔ پاکستان اچ 18 فلاحی تنظیماں 40 لکھ توںو دھ یتیم ٻالاں دی تعلیم، صحت، خوراک اتے ٻئی لوڑھ پوریاں کرینداں پن۔
