کوئٹہ۔ 09 مئی (اے پی پی) گوادر دے علاقے سربندر اچ نامعلوم مسلح بندیاں حجام دی دکان تے کم کرݨ آلے ست بندیاں کوں فائرنگ کر تے قتل کر ݙتے۔ ایس ایچ او تھانہ گوادر محسن علی موجب نامعلوم بندیاں گوادر فش ہاربر دے نیڑے رہائشی کوارٹر تے فائرنگ کر تے ست بندیاں کوں قتل اتے ہک کوں زخمی کر ݙتے۔ محسن علی موجب مقتولین اتے زخمی سربندر اچ حجام دی دکان تے کم کریندے ہن۔ لاشاں اتے زخمی کوں گوادرہسپتال پڄا ݙتا ڳئے۔ ایس ایچ او تھانہ گوادر موجب مقتولین اتے زخمی دا تعلق پنجاب دے ضلع خانیوال توں ݙسیا ڳئے۔ وزیر داخلہ بلوچستان میرضیا لانگو گوادراچ افسوسناک واقعےدی تحقیقات دا حکم ݙیندیں ہوئیں آکھیا جو مزدوراں دا قتل بزدلانہ کم اے، دہشت گرداں نال سختی نال نبڑسوں۔
