واشنگٽن _ 11 آگسٽ (اي پي پي ) آمريڪا ۾ پاڪستان جي سفير مسعود خان سڄي دنيا ۾ وڌندڙ نفرت انگيز تقريرن جي خاتمي ۽ بين المذهب هم آهنگي کي هٿي ڏيڻ لاءِ اجتماعي ڪوششن جي ضرورت تي زور ڏنو آهي . هن پاڪستاني سفارت خاني ۾ مذهبي اڳوڻن ۽ ڪميونٽي ليڊرن سان ملاقات دوران بين المذهب هم آهنگي کي هٿي ڏيڻ لاءِ پاڪستان جي عزم جو ورجاءِ ڪندي چيو ته سڄي دنيا ۾ عد برداشت ، زينوفوبيا ( پرڏيهين کان نفرت ) ، انتها پسندي ۽ مذهبي نفرتن جو مقابلو ڪرڻ اسان جي اجتماعي ذميواري آهي . ملاقات ۾ مختلف مذهب جي نمائندن ۽ پاڪ آمريڪن ڪميونٽي جي ماڻهن شرڪت ڪئي ، جنهن ۾ مسلم انسٽي ٽيوٽ جو چيئرمين صاحبزاده سلطان احمد علي خصوصي مهمان هو .
