اسلام آباد۔5مئی(اے پی پی) وزیراعظم دی معاون خصوصی امور نوجوانان شزہ فاطمہ خواجہ نینگراں کیتے کاروبار اچ مدد تے ملک دی معاشی ترقی اچ وزیراعظم یوتھ لون سکیم دی اہمیت تے زور ݙیندے ہوئیں آکھیے حکومت ایں سکیم کوں مزید قابل رسائی اتے موئثر بݨاوݨ کیتے پرعزم اے۔ھک بیان اچ وزیراعظم دی معاون خصوصی امور نوجوانان شزہ فاطمہ خواجہ سٹیٹ بینک آف پاکستان دی ڈپٹی گورنر سیما کامل دے نال سارے پارٹنر بینکاں تے ٻئے اسٹیک ہولڈرز دے نمائندیں نال ھک ورچوئل جائزہ اجلاس اچ شرکت کیتی۔ اجلاس دا مقصد پاکستان اچ نوجوان اسٹارٹ اپس اتے موجودہ کاروبار کیتے قرض دے عمل کوں سوکھا تے موزوں بݨاوݨاں ہئی ۔اجلاس وچ وزیر اعظم قرضہ سکیم دی کارکردگی تے ڳالھ مہاڑ کیتی جیں اچ بہتری کیتے شعبیں دی نشاندہی اتے کاروباری لوکاں کیتے قرض دے عمل کوں سوکھا بݨاوݨ تے توجہ ݙتی ڳئی ۔
