اسلام آباد۔11اگست(اے پی پی) چیئرمین سینیٹ سید یوسف رضا گیلانی آکھیے پاکستان دا آئین اقلیتاں دے حقوق دی ضمانت ݙیندے ، قانون سازی دے عمل اچ اقلیتی برادری نال تعلق رکھݨ آلے نمائندیں دیاں کوششاں تعریف دے قابل ہن ۔ سینیٹ سیکرٹریٹ میڈیا ڈائریکٹوریٹ توں جاری اعلامیہ موجب اقلیتاں دے ݙینھ تے چیئرمین سینیٹ سید یوسف رضا گیلانی اپݨے سنھیے اچ آکھیے اقلیتی برادری پاکستان دی ترقی و خوشحالی اچ اہم کردارنبھیندی پئی اے ، پاکستان دا آئین اقلیتاں دے حقوق دی ضمانت ݙیندے ، پارلیمان اچ وی اقلیتی برادری مناسب نمائندگی رکھیندی اے۔ چیئرمین سینیٹ آکھیے قانون سازی دے عمل اچ اقلیتی برادری توں تعلق رکھݨ آلے نمائندیں دیاں کوششاں چنڳاں ہن ۔ بین المذاہب ہم آہنگی دے ذریعے ملک اچ امن و استحکام ، اتحاد اتے پر امن بقائے باہمی یقینی بݨائی ونڄ سڳدی اے ۔ چیئرمین سینیٹ آکھیے بابائے قوم قائد اعظم محمد علی جناح وی اقلیتاں کوں خصوصی اہمیت ݙتی ، اقلیتی برادری گلدستے اچ سجائے ڳئے پھلاں وانڳوں اے ، پارلیمان اقلیتاں دے حقوق دے تحفظ ، انھاں کوں قومی ترقی دے مرکزی دھارے اچ گھن آوݨ سانڳے موثر قانون سازی کیتی اے۔ چیئرمین سینیٹ آکھیے اقلیتی برادری کوں حقوق ݙیوݨ سانڳے سینیٹ اچ موثر قانون سازی کیتی ڳئی ، قانون سازی اچ اقلیتی برادری توں تعلق رکھݨ آلے ممبران دا کردار ٻہوں اہم اے
