اسلام آباد۔28اکتوبر(اے پی پی) سپیکر قومی اسمبلی سردار ایاز صادق آکھیے میݙے ٹی وی انٹرویو کوں ھک اخبار مس کوڈ کیتے، اساں سارے ججاں دا احترام کریندوں ، غلط رپورٹنگ آپݨے ہی ادارے دی ساکھ متاثر کریندی اے ، ذمہ دارانہ رپورٹنگ ہووݨی چاہیدی اے ۔ قومی اسمبلی اجلاس اچ سوالاں دا وقفہ شروع تھیوݨ توں پہلے سپیکر قومی اسمبلی سردار ایاز صادق آکھیے میں سلیم صافی کوں پروگرام جرگہ اچ انٹرویو ݙتا میڈی ڳالھ کوں ھک معروف روزنامہ مس کوڈ کیتے ، اساں عدالت دے فیصلیں تے کݙاہیں کہیں کوں نوٹیفائی یا ڈی نوٹیفائی نی کریندے بلکہ الیکشن کمیشن الیکشن دے بعد ارکان دا نویٹفکیشن کریندے تے ضمنی الیکشن اچ وی ایویں ہی ہوندے ،نوٹیفائی تھیوݨ تے ایوان اچ حلف ڳھدا ویندے ، سارے ایشوز تےعدالت ہمیشہ الیکشن کمیشن آف پاکستان کوں لکھدی اے ،الیکشن کمیشن ایں تے نوٹیفائی کریندے ول ساݙی ذآمہ واری ہوندی اے جو اساں کیا ایکشن گھنݨا اے ۔ آپݨے ایں انٹرویو اچ میں جے یو آئی (ف) دی ھک تریمت رکن دی مثال ݙتی جو او ست ݙینھ میں کنے آندیاں رہین حلف گھنݨ ݙیو ، میں ایہو آکھئے الیکشن کمیشن آف پاکستان توں نوٹیفائی کرا گھنو ۔ انہاں آکھیے سارے ججاں دا احترام کرینداں ، ایویں غلط رپورٹنگ ادارے دی ساکھ متاثر کریندی اے ، ذمہ دارانہ صحافت کرݨی چاہیدی اے۔
