اسلام آباد۔31دسمبر(اے پی پی) وفاقی وزیر اطلاعات و نشریات مریم اورنگزیب عمران خان دے ٹویٹ تے آپݨے جواب اچ آکھیے جو فارن ایجنٹ کوں افسوس دے جو ملک کوں دیوالیہ کرݨ دی کمیٹمینٹ پوری نی تھئی ، الیکشن توں فارن ایجنٹ اتے توشہ خانہ چور بھڄدا پئے ۔ ہفتے کوں آپݨے ھک بیان اچ وفاقی وزیر اطلاعات آکھیے جو عدم اعتماد دے ووٹ دا حق استعمال کر تے فارن ایجنٹ کوں پارلیمان توں ٻاہر سٹیا ہئی ۔ انہاں سوال کیتے جو ݙو سال تئیں اقتدار اچ ہوندے ہوئیں بلدیاتی الیکشن کیوں روکیے عمران صاحب؟۔ وفاقی وزیر مزید آکھیے پی ٹی آئی پنجاب اتے خیبر پختونخواہ اچ الیکشن کراوݨ دی ” کمیٹمینٹ” کیتی ہئی ، ایندا کیا تھیا ؟۔ انہاں آکھیے ھک کروڑ نوکری اتے پنجاہ لکھ گھر ݙیوݨ دی ” کمیٹمینٹ” کیتی ہئی ، ایندا کیا تھئے ؟ ۔ آپ ”کمٹڈ” صرف لٹ مار، کوڑ فراڈ نال ہاوے تے ہو ۔ مریم اورنگزیب آکھیے آپ دی ” کمیٹمینٹ” صرف فارن فنڈنگ گھنݨ ، توشہ خانہ دی چوری، پاکستانی معیشت دیوالیہ کرݨی ہئی ، تساݙی ” کمیٹمینٹ” صرف تاریخی قرضے ملک تے لݙݨ تے عوام کوں مہانگ اچ غرق کرݨ دی ہئی ، تساݙی ” کمیٹمینٹ”صرف کشمیر دا سودا کرݨ تے قومی مفاد ویچݨ نال ہئی ۔
