اسلام آباد۔5جنوری (اے پی پی) صدر مملکت ڈاکٹر عارف علوی آکھیا جو پوری قوم دہشت گردی دے پورے اتے منڈھ توں خاتمے کیتے متحد اے۔ شہید قوم دے محسن ہن۔ پوری قوم دہشت گردی دے خلاف جنگ اچ شہیداں دی خدمات کوں سلام پیش کریندی اے۔ خمیس کوں ایوان صدر دے پریس ونگ توں جاری بیان موجب صدرمملکت خانیوال اچ فائرنگ اچ شہید تھیوݨ آلے آئی ایس آئی دے ڈائریکٹر اتے انسپکٹر دے ورثاء نال افسوس کیتا۔ انہاں آئی ایس آئی دے ڈائریکٹر محمد نوید صادق سیال شہید دی اہلیہ نال فون تے تعزیت کیتی۔ صدرمملکت انہاں دے ٹبر کوں ہمت، صبر اتے بہادری نال صدمہ برداشت کرݨ تے خراج تحسین پیش کیتا۔ صدر مملکت انسپکٹر ناصر عباسی بھٹی شہید دی اہلیہ نال وی فون تے تعزیت کیتی۔ انہاں شہیداں دے درجات دی بلندی اتے انہاں دے صٻر کیتے دعا کیتی۔
