اسلام آباد۔25جنوری(اے پی پی) رحیم یارخان اچ شیخ زید انٹرنیشنل ایئرپورٹ تے سکیورٹی اتے کہیں وی ناگہانی صورتحال نال نبݨݨ کیتے مشق کیتی ڳئی۔ ٻدھ کوں سول ایوی ایشن دی طرفوں جاری بیان موجب رحیم یارخان اچ شیخ زید انٹرنیشنل ایئرپورٹ تے شرپسنداں دے حملہ دی صورت اچ مشترکہ کارروائی دی مشق کیتی ڳئی ۔ ایں مشق اچ ایئرپورٹ سکیورٹی فورس، پنجاب پولیس،آرمی، رینجرز، ایلیٹ سکواڈ اتے ریسکیو 1122 ،محکمہ صحت ،پنجاب پولیس دی سپیشل برانچ ،پی آئی اے، ایئرپورٹ ویجیلنس سیکشن اتے ٻئی ایجنسیاں شرکت کیتی۔ترجمان موجب مشق دا مقصد ایئرپورٹ تے مختلف ایجنسیاں وچال ہم اہنگی اتے مواصلات دے معیار تے افادیت کوں جانچݨ ہئی ۔مشق دے دوران سکیورٹی ایجنسیاں مشق دے اہداف کوں مقررہ وقت اچ حاصل کیتے۔
