اسلام آباد۔22مئی (اے پی پی) ایں ہفتے ملک دے اتلے، ادھلے علاقیاں اچ وقفے نال اندھاری، جھکڑ اتے ڳاج کھمݨ نال مینہ وسݨ دا امکان اے۔ نویں موسمیاتی ںظام دے اثر اچ کھڑی فصلاں اتے کمزور سٹرکچر دے ضیان تھیوݨ دا ݙر اے ایں پاروں سارے متعلقہ اداریاں کوں الرٹ رہݨ دی ہدایت کیتی ڳی اے۔ محکمہ موسمیات موجب ملک دے اتلے اتے مغربی علاقیاں اچ آوݨ آلی مغربی ہوائیں ایں ہفتے اچ وقفے وقفے نال اثر انداز تھیسن جئیں پاروں 26 مئی تئیں کشمیر (وادی نیلم، مظفرآباد، پو??چھ، ہٹیاں، باغ، حویلی، سدھنوتی، کوٹلی، بھمبر، میرپور)، گلگت بلتستان (دیامیر، استور، غذر، اسکردو، ہنزہ، گلگت، گھانچے، شگر)، چترال، دیر، سوات، کوہستان، مانسہرہ، ایبٹ آباد، ہری پور،پشاور، چارسدہ، نوشہرہ، صوابی، مردان، باجوڑ، کرم، وزیرستان، کوہاٹ،بنوں، ٹانک، کرک، ڈیرہ اسماعیل خان، اسلام آباد، مری، گلیات، راولپنڈی، اٹک، چکوال، جہلم اچ اندھاری جھکڑ اتے ڳاڄ کھمݨ نال مینہ وسݨ دا امکان اے۔ 23 (شام /رات )اتے 26 مئی وچال سرگودھا، میانوالی، خوشاب، بھکر، فیصل آباد، جھنگ، ٹوبہ ٹیک سنگھ، شیخوپورہ ،ننکانہ، گوجرانوالہ، لاہور ،سیالکوٹ ، منڈی بہائوالدین، نارووال، قصور، پاکپتن ، اوکاڑہ ، ساہیوال، رحیم یار خان، ڈی جی خان، راجن پور ، ملتان اتے بہاولنگر اچ اندھاری جھکڑ اتے ڳاڄ کھمݨ نال مینہ وسݨ دا امکان اے۔23اتے24 مئی وچال بلوچستان (کوئٹہ، ژوب، بارکھان، قلعہ سیف اللہ، قلعہ عبداللہ، چمن، پشین، نوشکی، نصیر آباد، سبی، پنجگور، قلات، خضدار) ، بالائی سندھ (سکھر، دادو، جیکب آباد،ل??ڑک??نہ ) اچ اندھاری جھکڑ اتے ڳاڄ کھمݨ نال مینہ وسݨ دا امکان اے۔کساناں کوں مشورہ ݙتا ڳے جو موسمیاتی پیش گوئی کوں ݙیکھ تے اپݨے معاملات ترتیب ݙیون۔ ایں وچال سیاحاں کوں محتاط رہݨ دی ہدایت کیتی ڳی اے۔
.jpg)
.jpg)
.jpg)
