اسلام آباد۔12جون(اے پی پی) وفاقی وزیر اطلاعات و نشریات مریم اورنگزیب آکھیے وزیراعظم شہباز شریف دی قیادت اچ اتحادی حکومت روس توں رعایتی قیمت تے خام تیل پاکستان گھن آوݨ دا وعدہ سچ کرݙکھایا ، روس توں خام تیل دا بحری جہاز کراچی پڄ ڳئے جیڑھا جو پاکستان دی تاریخ اچ روس توں آوݨ آلا تیل دا پہلا جہاز اے، اینکوں آکھدن وعدیں دی تکمیل، ملک اتے قوم دے مسئلے حل کرݨ دی اہلیت، نیت اتے عوام دی سچی خدمت۔ سنوار کوں آپݨے ٹویٹ اچ انہاں آکھیے وزیراعظم شہباز شریف ہمیشہ وانڳوں عوام نال کیتے ڳئے وعدیں دی تکمیل کریندے پئن ،الحمد اللہ! ھک سال دی مخلصانہ اتے دیانتدارانہ محنت رنگ گھن آئی اے۔
